Famex (afskráð apr. 2006)

Famótidín er við maga- og skeifugarnarsárum. Það er einnig notað við sársjúkdómi í vélinda sem stafar af bakflæði magainnihalds. Verkunarmáti famótidíns er að minnka áhrif histamíns á magann, en histamín er boðefni sem örvar magasýruframleiðslu. Famótidín minnkar bæði magn og styrkleika magasýru. Við það minnkar áreiti á magaslímhúð og skeifugörn og sár gróa fyrr. Famótidín er ennfremur notað sem fyrirbyggjandi meðferð við sársjúkdómi í maga og skeifugörn hjá viðkvæmum sjúklingum, t.d. þeim sem taka gigtarlyf til lengri tíma, en mörg þeirra erta magaslímhúð eða þynna hana.

---

Notkun á lyfi

Lyfjaform:
Töflur til inntöku.

Venjulegar skammtastærðir:
20-80 mg á dag, í 1-2 skömmtum. Læknir ákvarðar skammt sem hentar hverjum sjúklingi.

Hversu langur tími líður uns verkun kemur fram:
1 klst. Hámarksáhrif koma fram 1-3 klst. eftir stakan skammt. Klínísk áhrif nást eftir u.þ.b. eina viku.

Verkunartími:
Um 10 klst. eftir stakan skammt.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá.

Ef skammtur gleymist:
Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Hvernig á að hætta töku lyfsins:
Ef lyfinu var ávísað af lækni skal ekki hætta töku þess nema í samráði við hann. Einkenni sjúkdómsins geta versnað þegar töku lyfsins er hætt.

Ef tekinn er of stór skammtur:
Stakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.

Langtímanotkun:
Án vandkvæða.

---

Aukaverkanir

Algengasta aukaverkun famótidíns er höfuðverkur, en hann kemur fyrir hjá um 5% sjúklinga.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Bólga í andliti, tungu eða hálsi
Depurð
Gula
Húðútbrot, kláði
Höfuðverkur, svimi
Mikill kláði í húð, mæði
Niðurgangur, hægðatregða
Ógleði, munnþurrkur
Þreyta, lystarleysi

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

• Cibinqo
• Diamicron Uno
• Gliclazíð Krka
• Glimeryl

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með langvarandi lifrar- eða nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf

Meðganga:
Takmörkuð reynsla er af notkun lyfsins hjá þunguðum konum.

Brjóstagjöf:
Lyfið berst í brjóstamjólk og getur haft áhrif á barnið.

Börn:
Lyfið er ekki ætlað börnum.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Getur ert magaslímhúð og dregið úr áhrifum famótidíns. Forðastu að neyta áfengis meðan lyfið er tekið.

Íþróttir:
Leyft við æfingar og í keppni.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.