Garamycin (afskráð mar. 2011)

Augnlyf | Verðflokkur: $medicine.getPriceCategory().name | Lyfseðilsskylt

Virkt innihaldsefni: Gentamícín

Markaðsleyfishafi: Schering-Plough | Skráð: 1. mars, 1977

Gentamícín er breiðvirkt sýklalyf í flokki amínóglýkósíða. Lyfið berst inn fyrir frumuvegg bakteríanna þar sem það binst ríbósómeiningum þess. Ekki er vitað með vissu hvað orsakar dauða bakteríanna. Þó er talið að lyfið hindri mikilvæga próteinframleiðslu bakteríunnar auk þess sem þýðing á DNA-kóda hennar verður röng. Ónæmi gegn lyfinu þróast yfirleitt hægt. Garamycin augndropar eru notaðir við augnsýkingum af völdum baktería sem eru næmar fyrir gentamícíni.

Notkun á lyfi

Lyfjaform:
Augndropar.

Venjulegar skammtastærðir:
Augndropar gefist í sýkt auga 6 sinnum á dag eða oftar.

Hversu langur tími líður uns verkun kemur fram:
Misjafn eftir ástandi sjúklings.

Verkunartími:
2-3 klst.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá. Nota skal lyfið innan 4ra vikna frá því að innri umbúðir eru opnaðar.

Ef skammtur gleymist:
Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Hvernig á að hætta töku lyfsins:
Notaðu lyfið eins lengi og læknir segir til um. Ef notkun hættir of snemma getur sýkingin náð sér aftur á strik, jafnvel þótt einkenni hennar hafi verið horfin.

Ef tekinn er of stór skammtur:
Stakir skammtar sem eru litlu stærri en venjulega ættu ekki að skapa vanda. Ef vart verður við einhver óvenjuleg einkenni skal hafa samband við lækni.

Langtímanotkun:
Garamycin augndropar eru nær eingöngu notaðir í skamman tíma við tilfallandi sýkingum í augum.

Aukaverkanir

Aukaverkun Tíðni Leitið til læknis vegna einkenna Leitaðu strax til læknis Hættu strax töku lyfs
Algeng >1% Sjaldgæf <1% Ekki þekkt Sem eru alvarleg Í öllum tilvikum    
Erting og sviði í auga          
Rauð og bólgin augu          

Milliverkanir

Engar milliverkanir eru þekktar við þetta lyfjaform. Ef önnur staðbundin augnlyf eru notuð samtímis, þurfa að líða a.m.k. 5 mín. á milli ídreypinga.

Sjá öll lyf sem geta haft áhrif á

Má ekki nota með

Getur haft áhrif á

Varúð

Læknir sem ávísar lyfinu þarf að vita hvort
  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú notir augnlinsur

Meðganga:
Lyf af flokki amínóglýkósíða fara yfir fylgju og geta haft áhrif á fóstur.

Brjóstagjöf:
Lyfið berst í brjóstamjólk.

Börn:
Lyfið er ekki ætlað börnum.

Eldra fólk:
Venjulegar skammtastærðir.

Akstur:
Eins og á við um önnur augnlyf getur notkun augndropa valdið tímabundnum sjóntruflunum.

Áfengi:
Áfengi hefur ekki áhrif á verkun lyfsins.

Íþróttir:
Leyft við æfingar og í keppni.

Annað:
Lyfið inniheldur rotvarnarefni og því ættu sjúklingar ekki að nota mjúkar snertilinsur á meðan meðferð stendur og harðar linsur með varúð.

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.