Tanonalla

Tanonalla er notað við miklum eða mjög miklum verkjum en er ekki ætlað til að meðhöndla bráðaverki. Targin inniheldur oxýkódonhydróklóríð, sem er flokkað sem náttúrulegur ópíumalkalóíði, og naloxónhýdróklóríð. Lyfið hefur áhrif á miðtaugakerfið og hindrar að sársaukaboð berist þangað. Það hefur aðallega verkjastillandi og róandi áhrif. Auk þessara áhrifa getur lyfið dregið úr hósta. Ávanahætta er nokkur og sé lyfið notað til langs tíma getur myndast þol við áhrifum þess. Tanonalla er forðatafla sem inniheldur líka Naloxón til að draga úr hægðatregðu sem er ein af aukaverkunum ópíum alkalóíða. Tanonalla er einnig notað sem annar valkostur til meðferðar við einkennum hjá sjúklingum með alvarlegt eða mjög alvarlegt fótaóeirðarheilkenni, þegar meðferð með dópamínvirkum lyfjum er ekki möguleg.

---

Notkun á lyfi

Lyfjaform:
Forðatöflur til inntöku.

Venjulegar skammtastærðir:
Skammtar eru einstaklingsbundnir og háðir því hversu miklir verkirnir eru og fyrri notkun verkjalyfja. Töflurnar gleypist heilar með vatnsglasi. Má hvorki mylja þær né tyggja.

Hversu langur tími líður uns verkun kemur fram:
1-1½ klst.

Verkunartími:
Um 12 klst.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá. Geymsluþol eftir að umbúðirnar eru fyrst opnaðar eru 3 mánuðir.

Ef skammtur gleymist:
Ef það eru meira en 8 klukkustundir í næsta skammt skaltu taka skammtinn sem fyrst og haltu svo áfram með vanalega skammtaáætlun. Ef næsti venjulegi skammtur er innan 8 klukkustunda skaltu taka skammtinn sem gleymdist og bíða svo í minnst 8 klst þar til þú tekur næsta skammt. Ekki taka tvo skammta í einu.

Hvernig á að hætta töku lyfsins:
Hafðu samband við lækni. Ef ástæður eru ekki lengur fyrir hendi fyrir því að lyfið var upphaflega gefið má hætta töku þess. Það gætu komið fram fráhvarfseinkenni þegar töku þess er hætt og því verður þú að minnka dagsskammtinn smám saman.

Ef tekinn er of stór skammtur:
Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal strax hafa samband við lækni, sjúkrahús eða eitrunarmiðstöð (sími 543 2222). Í alvarlegum tilvikum geta komið fram meðvitundarleysi (dá), lungnabjúgur og blóðrásarbilun, en það getur stundum verið lífshættulegt.

Langtímanotkun:
Tanonalla skal ekki gefa lengur en bráða nauðsyn ber til. Ef þörf er á langtímameðferð skal fylgjast vel og reglulega með sjúklingnum til að ákvarða frekari meðferð.

---

Aukaverkanir

Öndunarbæling er ein alvarlegasta aukaverkun lyfsins og er líklegri hjá öldruðum og mikið veikum sjúklingum.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Krampar eða flog
Kvíði, óróleiki, taugaveiklun, þunglyndi
Kviðverkir, niðurgangur og hægðatregða
Minnkuð kynhvöt
Minnkuð matarlyst
Ógleði, uppköst, meltingartruflanir
Slævandi verkun
Útbrot, kláði, bjúgur og öndunarerfiðleikar
Öndunarerfiðleikar
Þróttleysi, svefnleysi

---

Milliverkanir

Róandi lyf, svefnlyf, þunglyndislyf, sefandi lyf, sum ofnæmislyf, uppsölulyf og aðrir ópíóíðar eða áfengi, geta eflt aukaverkanir, einkum öndunarbælingu. Sefandi lyf og sum ofnæmislyf, uppsölulyf og parkinsonslyf geta aukið á andkólínvirkar aukaverkanir, svo sem hægðatregðu, munnþurrk eða truflanir á þvaglátum. Náttúrulyfin Jóhannesarjurt og valeriana geta aukið sefandi áhrif lyfsins.

Sjá öll lyf sem geta haft áhrif á

Má ekki nota með

• Selincro
• Xyrem

Getur haft áhrif á

• Abiraterone STADA
• Akeega
• Alphagan
• Amitriptylin Abcur
• Brieka
• Brimonidin Bluefish
• Diacomit Lyfjaver
• Dropizol
• Elvanse Adult
• Lyrica
• Lyrica (Lyfjaver)
• Metadon 2care4
• Metadon Abcur
• Mirvaso
• Naltrexone Hydrochloride
• Paxlovid
• Pregabalin Krka
• Pregabalin Medical Valley
• Simbrinza
• Vfend
• Volidax
• Voriconazole Accord
• Xonvea

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með Addisonssjúkdóm
• þú sért með blóðþrýstingsvandamál
• þú sért með bólgusjúkdóm í þörmum
• þú sért með hjartasjúkdóm
• þú sért með lungnasjúkdóm
• þú sért með ofnæmi fyrir virka efninu eða einhverju hjálparefnanna
• þú sért með skerta lifrar- eða nýrnastarfsemi
• þú sért með stækkaðan blöðruhálskirtil
• þú sért með vanvirkan skjaldkirtil
• þú hafir einhvern tíma misnotað áfengi eða lyf
• þú takir einhver önnur lyf
• þú sért með flogaveiki eða hafir fengið flog
• þú sért með aukinn heilaþrýsting
• þú sért með eða hefur fengið brisbólgu
• þú sért með þarmalömun

Meðganga:
Lyfið getur haft áhrif á fóstur og/eða nýbura.

Brjóstagjöf:
Lyfið berst í brjóstamjólk og getur haft áhrif á barnið.

Börn:
Lyfið er ekki ætlað börnum yngri en 18 ára.

Eldra fólk:
Skammtar eru einstaklingsbundnir.

Akstur:
Hafa skal samráð við lækni um það hvort leyfilegt sé að aka bíl vegna þess að lyfið getur skert hæfni til aksturs.

Áfengi:
Getur aukið á aukaverkanirnar, einkum öndunarbælingu. Ekki neyta áfengis meðan lyfið er tekið.

Íþróttir:
Bannað í keppni.

Fíknarvandamál:
Tanonalla getur verið vanabindandi. Ávanahætta er meiri eftir því sem skammtar eru stærri eða lyfið er notað í lengri tíma og hjá þeim sem hafa tilhneigingu til misnotkunar lyfja eða áfengis.

Annað:
Tóma stoðgrind (forðataflan eftir að lyfið hefur losnað úr henni) má finna í hægðum.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.