Nilemdo

Nilemdo er blóðfitulækkandi lyf sem að inniheldur virka efnið bempedósýru. Lyfið er notað hjá fólki til að draga úr slæma kólesterólinu (LDL-kólesteról) í blóði. Nilemdo getur einnig hjálpað til við að minnka hættu á hjarta- og æðasjúkdómum. Lyfið er gefið til viðbótar við kólesteróllækkandi mataræði. Bempedósýra lækkar kólesteról í blóði með því að hindra ensím sem er nauðsynlegt til framleiðslu kólesteróls.

---

Notkun á lyfi

Lyfjaform:
Töflur til inntöku.

Venjulegar skammtastærðir:
1 tafla (180mg) 1 sinni á dag. Gleypa skal töfluna heila og má gera það með mat eða á milli mála.

Geymsla:
Geymið lyfið þar sem börn hvorki ná til né sjá.

Ef skammtur gleymist:
Ef þú tekur eftir því að þú hefur gleymt skammti þegar langt er liðið á daginn, skaltu taka skammtinn sem gleymdist og taka næsta skammt á venjulegum tíma næsta dag. En ef þú gleymdir skammti gærdagsins, skaltu taka töfluna á venjulegum tíma og sleppa skammtinum sem gleymdist.

Hvernig á að hætta töku lyfsins:
Í samráði við lækni.

Ef tekinn er of stór skammtur:
Skal hafa strax samband við lækni, sjúkrahús eða eitrunarmiðstöð (543 2222).

---

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Blóðleysi
Verkir í útlimum
aukið magn þvagsýru í blóði, þvagsýrugigt

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

• Atacor
• Atorvastatin Xiromed
• Ezetimib/Simvastatin Krka
• Inegy
• Lipistad
• Nystatin Orifarm
• Rosuvastatin Krka
• Rosuvastatin Teva
• Rosuvastatin Xiromed
• Simvastatin Actavis
• Simvastatín Alvogen
• Simvastatin Bluefish
• TNG-smyrsl
• Zarator

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með skerta lifrar- eða nýrnastarfsemi
• þú hafir fengið þvagsýrugigt
• þú takir einhver önnur lyf
• þú sért með ofnæmi fyrir virka efninu eða einhverju hjálparefnanna

Meðganga:
Lyfið má ekki nota á meðgöngu, það gæti hugsanelga skaðað ófætt barn. Áður en meðferð hefst þarf að útiloka þungun og skal nota örugga getnaðarvörn á meðan meðferð með lyfinu stendur.

Brjóstagjöf:
Ekki skal taka lyfið með barn á brjósti.

Börn:
Lyfið er ekki ætlað börnum.

Eldra fólk:
Venjulegar skammtastærðir.

Akstur:
Nilemdo hefur engin eða lítil áhrif á hæfni til aksturs.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.